Әдетте дәрігерлер мұндай жағдайды маусымдық кезеңмен байланыстырады.
Дегенмен, бұл жолы көмекке жүгінушілердің көптігі дәрігерлердің өзін алаңдатып отыр. Қазір облыс орталығындағы балалар ауруханасына күн сайын 35-40 бала жеткізіледі. Кейде 70-ке дейін жетеді. Әсіресе күйіп қалған, аяқ-қолын сындырып алған ойын баласының қатары артқан. Қазір жартастан құлаған 16 жастағы қыз жансақтау бөлімінде жатыр. Дәрігерлер ата-аналарға жеткіншектерді қараусыз қалдырмауды ескертеді.
Айта кетейік, бұған дейін полиция департаментінің қызметкерлері де жасөспірімдердің жол ережесін қатаң сақтауы керектігін мәлімдеген еді.
Қуантай Махамбетов, Ақтөбе медицина орталығының бөлімше меңгерушісі:
- Бізде жатқандардың көбісінде қазір бас-ми жарақаттары. Тек ғана аяқ, сан сүйек ең үлкен сүйек ғой, сонымен түскен бір күнде үшеу, төртеуден түсті кешегі жақында ғана. Сосын иық сүйегі дейді ғой, ең қиыны. Солардың бір күнде 3-4-тен түскендері болды.