Қазақстанда вакцинаның екі бөлігін салдырған 104 адам коронавирус жұқтырды

Елде вакцинаның екі компонентін салдырған 104 адам коронавирус жұқтырған.

Бұл туралы Санитарлық-эпидемиологиялық бақылау комитетінің төрайымы Айжан Есмағамбетова мәлімдеді. Оның айтуынша, екпенің бірінші бөлігінен кейін 541 адам коронавируспен ауырған. Олардың барлығынан вирус вакцина қабылдағаннан кейін 14 күннің ішінде табылған. «Демек олар коронавирусты вакцина салдырғанға дейін жұқтырған», - дейді Айжан Есмағамбетова.