427,82 518.00 5.92
+7 (7172) 757 485 24kz@khabar.kz
ҚАЗ

Алматы облысында биыл тұрғындардың 61%-і табиғи газға қосыла алады

  • 79
  • UPD: 13:04, 27.05.2021
Алматы облысында биыл тұрғындардың 61%-і табиғи газға қосыла алады Алматы облысының әкімдігі

Өткен жылы облыс тұрғындарының 59%-іне, яғни 1,2 млн адамның газға қосылуына мүмкіндігі туғызылды.

Биыл тағы 23 елді мекенде осындай жағдай жасалып, көрсеткіш 61%-ке жетеді. Бұл туралы бүгін Нұр-Сұлтан қаласындағы Орталық коммуникациялар қызметі алаңында өткен брифинг кезінде Алматы облысының әкімі Амандық Баталов айтты, деп хабарлайды Алматы облысы әкімінің баспасөз қызметі.

Өңір басшысының айтуынша, әзірге көгілдір отын жеткізілмеген бес аудан қалды. «Осы аудандарды газдандыру үшін Талдықорған-Үшарал, Шелек-Кеген магистральді газ құбыры құрылысының жобалық-сметалық құжаттамасын аяқтаймыз. Құрылыс жұмыстары келесі жылдан басталады», – деді А.Баталов.

Сол сияқты спикер орталықтандырылған ауыз сумен қамту деңгейі республика бойынша алдыңғы қатарда екенін тілге тиек етті, яғни 98,3%, бұл – 678 елді мекен қамтылды деген сөз. Биыл 7 ауылға су құбырын жүргізу есебінен бұл көрсеткіш 99,5% жеткізіледі, сол сияқты 11 ауылда ауыз су сапасы жақсартылады.

Хабар 24 телеарнасы