427,82 518.00 5.92
+7 (7172) 757 485 24kz@khabar.kz
ҚАЗ

Маңғыстау облысында зергерлік бұйымдар контрабандасы анықталды

  • 120
  • UPD: 11:29, 01.06.2021
Маңғыстау облысында зергерлік бұйымдар контрабандасы анықталды

Маңғыстау облысы бойынша Экономикалық тергеп-тексеру департаменті «Әуежай - Ақтау» кеден бекетінің бас маманына қатысты қылмыстық істі тергеуді аяқтады.

Лауазымды тұлға қызметтік бабын пайдаланып, Түркиядан Қазақстан аумағына 80 жиынтық алтын бұйымдарын заңсыз тасымалдауға көмектескен.

Үш қазақстандық кеден бекетінің қызметкері арқылы құнды тауарларды кедендік бақылаудан өткізді. Соңғысы астыртын әрекеттері үшін 300 мың теңгені иеленді.

Есептеулерге сәйкес зергерлік бұйымдардың кедендік құны 31 млн астам теңгені, оның ішінде кедендік төлемдер 7 млн астам теңгені құрады.

Ақтау қаласы сотының үкімімен лауазымды тұлға 5 жылға сотталды, ҚР үш азаматына 7,8 млн теңгеге айыппұл салынды.

Ақпарат көзі: ҚР ҚМА баспасөз қызметі

Хабар 24 телеарнасы