425,82 518.00 5.93
+7 (7172) 757 485 24kz@khabar.kz
ҚАЗ

Ата-аналар: Шарындағы оқиғаға мұғалімдер кінәлі емес

  • 121
  • UPD: 22:13, 02.06.2021

«Шарындағы қайғылы оқиғаға байланысты мұғалімдер жазалана ма деп қауіптенеміз».

Алматы қаласындағы мамандандырылған №199 мектеп-гимназиясында оқитын балалардың ата-аналары осылай деп алаңдап отыр. Олар қайта оқушылардың өміріне араша түскен ұстаздарға алғыс айту керек, деп санайды. 29 мамыр күні 5-сынып оқушылары ата-аналары және мұғалімдерімен бірге Шарын шатқалына саяхатқа шыққан болатын. Сол күні кенеттен жауған жаңбырдан кейін сел жүріп, бір оқушы мен бір мұғалімнің өмірін қиып кетті.

Айнұр Тәшімова, қала тұрғыны:

- Ешқандай шағымымыз жоқ негізі. Біз мына жерде ұйымдастырушы, мұғалімдеріміз емес бұл жерде. Мектептің еш қатысы жоқ. Біз өзіміз ата-аналар жылдың аяғында, онлайн сабақ болды, бір-бірін көрсін деп. Балаларды жәй Шарынға демалсын деп шақырған. Бірақ мен баламды жіберген жоқпын.

Динара Демеубаева, қала тұрғыны:

- Ата-аналар өздері шешім қабылдап, өздері сол жерге барамыз деді. Орынды да, автобусты да, күнін де ата-аналар шешім қабылдаған. Оған мұғалімдердің еш қатысы жоқ. Мұғалімдерді шақырдық. Бізбен барсын деп.

Саяхатқа барлығы 20-дан астам адам барған. Олардың 8-і оқушы, 5-уі ата-ана, ал 3-уі мұғалім. Қалған туристер солардың туыстары мен таныстары.

Хабар 24 телеарнасы