427,23 518.00 5.85
+7 (7172) 757 485 24kz@khabar.kz
ҚАЗ

Петропавлда аурухананың көлік жүргізушілері үстеме ақыдан қағылды

  • 100
  • UPD: 22:02, 02.06.2021

Петропавлда аурухананың көлік жүргізушілері үстеме ақы ала алмай жүр. Олар індет кезінде жұмыс істеген.

Шамамен бір жарым ай бұрын жүргізушілер арнамызға хабарласып, көмек сұраған еді. Қаладағы №1 қалалық аурухана былтыр індет өршіген кезде инфекциялық стационар ретінде қызмет атқарған. Сол кезде медициналық ұйым басшылығы жүргізушілерді тек ауызша сендіріп, құжат рәсімдеп, келісім-шарт жасамаған. Салдарынан олар өздеріне тиесілі қаражаттан қағылды. Заң жүзінде сотқа да жүгінді. Дегенмен, судья жәбірленушілердің өтінішін қараусыз қалдырды.

Сергей Шаврин, қала тұрғыны:

- Сот отырысы өтті. Ондағылар алғашқыда барлық құжаттарды қабылдаған болатын. Бірақ күні кеше өтінішімізді қараусыз қалдырды, №1 қалалық аурухана мемлекеттік мекеме емес екенін негізге ала отырып. Бірақ біз мұнымен тоқтамаймыз. Мәселенің әділ шешілгенін қалаймыз. Өйткені өз өмірімізді қатерге тігіп жұмыс істедік.

Хабар 24 телеарнасы