426,73 523.00 5.95
+7 (7172) 757 485 24kz@khabar.kz
ҚАЗ

ҚР Экология министрлігі: Арабтарға жойылу қаупі бар құстарды аулауға рұқсат етілді

  • 69
  • UPD: 12:40, 10.06.2021

Елімізде арабтарға жек дуадақтарды аулауға рұқсат етіледі. Экология министрлігінің орман шаруашылығы және жануарлар жүйесі комитеті арнайы қаулы жобасын әзірледі.

Оған сай 1 қыркүйек пен 15 қараша аралығында 300-ге жуық жойылу қаупі бар дуадақты аулауға рұқсат берілген. Біріккен Араб әмірліктері және Катар әмірімен жасалған келісімге сай, олар әр құс үшін 260 айлық есептік көрсеткіш мөлшерінде ақы төлейді. Мемлекеттер ерекше қорғалатын аумақтарға қызмет көрсету үшін елімізге 2 млрд доллар көлемінде инвестиция құйыпты. 2008 жылдан бері арабтарға жек дуадаққа сұңқар салуға рұқсат берілді. Түскен қаражатқа 4 қорық аймағы құрылған.

Асқар Абдрахманов, ҚР Экология министрлігі басқармасының бас сарапшысы:

– Түркістан облысындағы Шаян ауданында питомник салынған. Қазіргі таңда жылына 5 мың бас жек дуадақты бағуға мүмкіндігі бар. Басқа да питомниктердің осы жек дуадақтың көші-қон ареалындағы құстарды бізге әкеліп, Қазақстанға да жібереді. Біздің питомникте жылына 5000 бас шығарылып отырса, бұл кісілердің алатыны 300-ге жуық.

 

Хабар 24 телеарнасы