424,64 503.77 5.77
+7 (7172) 757 485 24kz@khabar.kz
ҚАЗ

Қазақстанда Венгрия, Таиланд және Моңғолияның вакцина алған азаматтарына ел аумағына кіруге рұқсат етілді

  • 181
  • UPD: 17:48, 12.06.2021
Қазақстанда Венгрия, Таиланд және Моңғолияның вакцина алған азаматтарына ел аумағына кіруге рұқсат етілді zakon.kz

Тиісті қаулыға Қазақстанның бас мемлекеттік санитар дәрігері Ерлан Қиясов қол қойды.

Құжат 11 маусымда күшіне енді.

Қаулыда «Венгрия, Таиланд және Моңғолия азаматтарының вакцинация паспорты/сертификаты/анықтамасы Қазақстан Республикасының аумағында жарамды деп танылсын», - делінген.

Көліктегі санитарлық-эпидемиологиялық бақылау департаментіне, Санитарлық-эпидемиологиялық бақылау комитетінің аумақтық департаменттеріне, Қазақстанның мемлекеттік шекарасы арқылы автомобиль өткізу пункттеріндегі мемлекеттік кірістер органдарының құрылымдық бөлімшелеріне қаулыда көрсетілген құжаттар болған кезде Венгрия, Таиланд және Моңғолия азаматтарына Қазақстан аумағына кіруге рұқсат ету тапсырылды.

Бұған қоса, коронавирус инфекциясына қарсы вакциналау жүргізу бойынша әдістемелік ұсынымдар бекітілді. Онда вакцина кімге салынбайтыны, егу пунктерінде қандай талаптар сақталуға тиіс екені және тағы басқа шаралар толық көрсетілген.

Әдістеме төрт вакцина үшін жазылған: Гам-КОВИД-Вак (Спутник V), QazCovid-in (QazVac), Hayat-Vax SARS-CoV-2 (Vero Cell), КоронаВак (CoronaVac, Vero Cell).

Хабар 24 телеарнасы