424,94 504.55 5.82
+7 (7172) 757 485 24kz@khabar.kz
ҚАЗ

Нұр-Сұлтандағы жолдарға жаңа өзгеріс енгізілді

  • 149
  • UPD: 11:57, 14.06.2021
Нұр-Сұлтандағы жолдарға жаңа өзгеріс енгізілді astana.gov.kz

Нұр-Сұлтан қаласында Жетісу саябағы мен Сарайшық көшесіндегі «Премиум» тұрғын үй кешені аумағындағы жолайрықта жаяу жүргіншілер жолын проекциялық жарықтандыру жобасы іске қосылды, деп хабарлайды елорда әкімдігінің баспасөз қызметі.

Аталмыш учаскеде көлік қозғалысы ерекше қарқынды.

Бұл учаске жаяу жүргіншілердің жол қауіпсіздігін қамтамасыз ету бағдарламасы аясында таңдалды.

Мұнда жаяу жүргіншілер өткелі жол белгісі мен таңбалар проекциясымен біріктірілген. Бұл орын түнгі уақытта төрт жарықдиодты проектордың көмегімен жарықтандырылады. Кез келген ауа райында автокөлік жүргізушілері мен жаяу жүргіншілер жолдағы ақ-сары жаяу жүргіншілер өтетін тұс пен жол белгілерін анық көре алады.

Бұл технология елімізде алғаш болып Нұр-Сұлтан қаласында қолданысқа енгізіліп отыр.

Хабар 24 телеарнасы