424,15 504.60 5.74
+7 (7172) 757 485 24kz@khabar.kz
ҚАЗ

Елдің мемлекеттік архивтерінде құжат қоятын жер жоқ

  • 122
  • UPD: 19:50, 17.06.2021
Елдің мемлекеттік архивтерінде құжат қоятын жер жоқ

Көпшілігінің қоймасы 100 процент толған. Мәселені тез арада шешпесе, тарихи дереккөздер жойылып кетуі мүмкін.

Бұл туралы бүгін Мәдениет және спорт министрі Ақтоты Райымқұлова президент жанындағы Адам құқығын қорғау жөніндегі комиссия отырысында мәлімдеді. Оның айтуынша, республиканың орталық мемлекеттік архивінде есептелген көлемнен 1,5 есе көп құжат сақтаулы тұр. Жылдан жылға құжат саны көбейгенімен штат кеміп барады. Білікті мамандар жоқтың қасы. Архивте жұмыс істеп жүргендердің тек 2,5 проценті мамандық бойынша білім алған. Электронды архив жұмысы қосылғалы техникалық білімі бар мамандарға сұраныс артты. Мәселені шешу үшін былтыр қызметкерлер жалақысын 50 процентке өсірді. Архивте жұмыс істеу денсаулыққа зиян екенін ескеріп, қосымша төлем жасалатын мамандықтар тізіміне қосуға ұсыныс жасалған. Алайда қабылданбады.

Ақтоты Райымқұлова, ҚР Мәдениет және спорт министрі:

- Биыл біз сұраныс бердік инфрақұрылым министрлігіне. 200 млн. 1-1,5 млн құжаттарды сақтай алатын осы типтік жобалау құжаттарын жасауға ұсыныс бердік. Биыл республикалық комиссиядан өтіп жатса 2022 жылы осы типтік құжаттарды алып, біз әрине бүкіл республикаға таратып, осы типтік құжаттардың негізінде архивтік жаңа ғимараттарды салуға дайындықты жасаймыз.

Хабар 24 телеарнасы