424,02 504.55 5.82
+7 (7172) 757 485 24kz@khabar.kz
ҚАЗ

Шымкентте жеке басын анықтайтын құжаттары жоқ 334 адам анықталды

  • 126
  • UPD: 12:52, 18.06.2021

Шымкентте жеке басын анықтайтын құжаттары болмағаны үшін 334 шетелдік қабылдап-тарату орталығына орналастырылды, – деп хабарлайды Polisia.kz.

ҚР ІІМ нұсқауына сәйкес 2021 жылдың 7-16-маусым аралығында заңсыз көші-қон арналарының жолын кесу және елімізде шетелдіктердің болу қағидаларын бұзуды болдырмау мақсатында «Мигрант» жедел-профилактикалық іс-шарасы өткізілді. Шымкент ҚПД Көші-қон қызметі басқармасының қызметкерлерімен «Мигрант» іс-шарасы барысында барлығы 501 шетел азаматы анықталып, оларға қатысты Әкімшілік құқық бұзушылық туралы кодексінің 517-бабымен әкімшілік хаттама толтырылды. Ал жеке басын анықтайтын құжаттары болмағаны үшін 334 шетелдік қабылдап-тарату орталығына орналастырылды.

 

Қазақстан Республикасы аумағынан 53 шетелдік шығарылды. Қайыршылық жасап жүрген төрт шетелдікке Әкімшілік құқық бұзушылық туралы кодексінің 449-бабы 3-бөлігімен шара қабылданды. Шетелдіктерін заңсыз тұрғын үймен қамтамасыз еткені үшін 184 адам, ал шетел жұмыс күшін заңсыз пайдаланған 33 адам анықталып, оларға қатысты Кодекстің 518 және 519-баптары бойынша хаттама толтырылды. Сондай-ақ заңсыз көші-қонды ұйымдастыру ҚР ҚК-нің 394-бабымен төрт қылмыстық теріс қылық анықталып, сотқа дейінгі тергеп-тексеру жұмыстары жүргізілуде. Іс-шара барысында бұрын іздеуде жүрген екі қылмыскер ұсталды. Карантиндік шектеулерге байланысты ел аумағына шыға алмай жүрген Молдовия елінің жеті азаматына Халықаралық миграция ұйымдарымен бірлесіп, өз еліне қайтуына ықпал көрсетілді.

 

 

Хабар 24 телеарнасы