424,46 504.55 5.81
+7 (7172) 757 485 24kz@khabar.kz
ҚАЗ

Павлодарда қираған көп қабатты үйге қатысты кешенді тексеріс жүргізіледі

  • 146
  • UPD: 23:15, 18.06.2021
Павлодарда қираған көп қабатты үйге қатысты кешенді тексеріс жүргізіледі

Павлодарда қираған көп қабатты үйге қатысты кешенді тексеріс шаралары жүргізіледі, деп хабарлайды «Хабар 24».

Ғимарат құрылыс саласында тәжірибесі жоқ жекеменшік компанияға тиесілі екені белгілі болды. Алдын ала дерек бойынша нысанды салу наурыз айында басталған. Үйдің бірнеше қабаты құлап, 100 шаршы метр аумақ зақымданған. Төрт қабатты үйдің құрылысына қалалық әкімдік рұқсат берген. Қазір жұмыстар тоқтатылып, еңбек басқармасы мен полиция департаменті оқыс жағдайдың себеп-салдарын анықтап жатыр. Кеше кешкілік уақытта көп қабатты үй опырылып түсіп, үш азамат зардап шекті. Олардың денсаулығы орташа деңгейде. Барлығы шетел азаматтары болып шықты.

Асқар Қапанов, облыстың бас мемлекеттік еңбек инспекторы:

- Алдын ала болжам бойынша жұмысшылар Өзбекстан азаматтары. Нақтысы кейін белгілі болады. Олар рұқсатсыз жұмыс істеген. Мүмкін жалдамалы жұмысшылар шығар. Бірақ ресми рұқсаттары болмаған. Біз өз тарапымыздан тексеріс бастаймыз. Еңбек қатынасының болған-болмағанын анықтаймыз.

Хабар 24 телеарнасы