Бұршақ аралас жаңбыр, 40 градустық ыстық: бірқатар облыста ескерту жарияланды

Еліміздің он бір облысында дауылды ескерту жарияланды, деп хабарлайды «Хабар 24».

Кей жерлерде бұршақ аралас жаңбыр жаууы мүмкін. Батысында ауа температурасы 40 градусқа дейін жоғарылайды. Осыған байланысты өрт қауіптілігі артуы ықтимал. Бас шаһарда солтүстік-батыстан есетін желдің екпіні секундына 15-20 метрге дейін жетеді. Шымкентте де жел жылдамдығы күшейеді. Алматы облысында жел екпіні секундына 23 метрге дейін барады.