424,94 504.55 5.82
+7 (7172) 757 485 24kz@khabar.kz
ҚАЗ

Алматы маңындағы ұшақ апаты: зардап шеккендер ауруханадан шығарылды

  • 92
  • UPD: 10:01, 24.06.2021
Алматы маңындағы ұшақ апаты: зардап шеккендер ауруханадан шығарылды Inbusiness.kz

Алматыда Ан-26 ұшағы апатында зардап шеккендер ауруханадан шығарылды. Олар 95 күн ем алды, деп хабарлайды Tengrinews.kz.

«Екі әскери қызметкер де толық емдеуден өткеннен кейін, №4 қалалық клиникалық аурухананың стационарынан қанағаттанарлық жағдайда шығарылды», – деді №4 ҚКА бас дәрігері Сағи Бейсенбеков.

Естеріңізде болса, 2021 жылдың 13 наурызында ҰҚК авиациялық қызметінің Ан-26 ұшағы апатынан зардап шеккен екі әскери қызметкер №4 қалалық клиникалық ауруханаға жеткізілген болатын. Екеуінің де денесін түрлі дәрежеде күйік шалған. 95 күн бойы екі пациент аурухананың бейінді бөлімшелерінде ем алған. 18 маусымда әскери қызметкерлер үйіне шығарылды.

Өкінішке қарай, ұшақ апатынан төрт адам қаза тапты: майор Ғабит Балықбаев (36 жас), капитан Досжан Баймұратов (35 жас), сержант Евгений Васильков (35 жас) және аға лейтенант Мұхтар Сағынбаев (26 жас).

Хабар 24 телеарнасы