424,44 504.55 5.80
+7 (7172) 757 485 24kz@khabar.kz
ҚАЗ

Алматы облысында жалған есепке алу-бақылау маркалары бар алкоголь өнімдері анықталды

  • 112
  • UPD: 09:54, 25.06.2021
Алматы облысында жалған есепке алу-бақылау маркалары бар алкоголь өнімдері анықталды azattyq-ruhy.kz

Алматы облысы бойынша Экономикалық тергеп-тексеру департаментінің қызметкерлері жедел-іздестіру шараларын жүргізу барысында Қарасай ауданында рұқсат құжаттарынсыз алкоголь өнімін өндіру дерегін анықтады.

ҚМА Баспасөз қызметінің мәліметінше, тексеру барысында жалған есепке алу-бақылау маркалары бар көлемі 0,5 литр 13,5 мың бөтелке «Наша водка» маркалы ішімдік анықталды.

«Аталған дерек бойынша ҚР ҚК 233-бабының 2-бөлігі бойынша сотқа дейінгі тергеп-тексеру басталды.

ҚМА көрiнеу жалған акциздiк маркаларды және есепке алу-бақылау маркаларын өткiзу мақсатында жасау, сол сияқты пайдалану немесе өткізу үшін екі жылға дейін бас бостандығын шектеу/айырумен қылмыстық жауапкершілік орнатылғанын еске салады», – делінген хабарламада. 

Хабар 24 телеарнасы