424,60 504.60 5.74
+7 (7172) 757 485 24kz@khabar.kz
ҚАЗ

Тоқаев Никол Пашинянды сайлаудағы жеңісімен құттықтады

  • 137
  • UPD: 23:11, 25.06.2021
Тоқаев Никол Пашинянды сайлаудағы жеңісімен құттықтады

Қасым-Жомарт Тоқаев Арменияның Премьер-Министрі міндетін атқарушы Никол Пашинянды «Гражданский договор» партиясының кезектен тыс өткен Парламент сайлауындағы жеңісімен құттықтады.

Мемлекет басшысы бірлескен белсенді күш-жігердің арқасында Қазақстан мен Армения арасындағы қарым-қатынастар екіжақты форматта да, Еуразиялық кеңістіктегі экономикалық интеграция аясында да нығая беретініне сенім білдірді. Қасым-Жомарт Тоқаев Никол Пашинянның достас Арменияны өркендету жолындағы аса жауапты мемлекеттік қызметіне мол табыс тіледі.

Мемлекет басшысы Қазақстан халқының және жеке өзінің атынан Никол Пашинянды өзі басқаратын «Гражданский договор» партиясының кезектен тыс өткен Парламент сайлауындағы жеңісімен құттықтады.

«Дауыс беру қорытындысы мемлекеттілікті, ұлттық бірлікті нығайтуға және елдегі ахуалды тұрақтандыруға бағытталған Сіздің саяси ұстанымыңызды халық қолдайтынын  айқын көрсетті» делінген жеделхатта.

Хабар 24 телеарнасы