Екпе алған қызылордалықтарға дәмхана және мейрамханаларда арнайы жеңілдік қарастырылған, деп хабарлайды «Хабар 24».
Бұл ұсынысты 10 мейманхана жалғап әкеткен. Облыс орталығында Ashyq қосымшасына қосылған 150 кафе-ресторан бар. Қазіргі таңда қызмет көрсету саласындағы мекеме ұжымдары вакциналауға белсенді түрде қатысып жатыр.
Бектас Нұридинов, қала әкімінің орынбасары:
- 5 жағдайда өкінішке орай «қызыл» статуспен кіремін деп анықталған. Қазіргі таңда сол 5 азаматқа заң аясында әкімшілік хаттама толтырылып, қатаң бақылауға алынды. Яғни бұл Ashyq бағдарлама аясында «қызыл» статуспен жүрген азаматты анықтау мақсатында қарастырылған.
Жағыппар Ақғалым, мейрамхана әкімшісі:
- Қызметкерлер арнайы екпе жұмыстарын қабылдады. Ұжымдағы 30 адам барлығымыз қабылдадық. Вакциналау дегеніміз әркім өз денсаулығының қауіпсіздігі үшін, әркімнің денсаулығы өз қолында ғой. Сол себепті денсаулыққа қамқорлықпен қарау болып табылады.