424,37 503.77 5.77
+7 (7172) 757 485 24kz@khabar.kz
ҚАЗ

Үш ай бұрын жоғалған жасөспірім Шымкенттен табылды

  • 110
  • UPD: 13:51, 29.06.2021
Үш ай бұрын жоғалған жасөспірім Шымкенттен табылды

Түркістан полицейлері үш ай бойы іздеген жасөспірімді Шымкенттен тапты, деп хабарлайды Polisia.kz.

Сайрам аудандық Полиция басқармасына жергілікті тұрғын арызданды. Ол өзінің арызында кәмелет жасына толмаған 11 сыныпта оқитын ұлы отбасылық жанжалдан кейін үйден шығып кетіп, қайта оралмағанын хабарлайды. Сол кезден бері ұялы телефоны өшіріліп, хабар-ошарсыз кеткенін жеткізеді.

Аталған жайтты тіркеуге алған сайрамдық полицейлер жедел әрекетке көшті. Тәртіп сақшылары көрген-білгендерден жауап алып, жасөспірімнің суретін көрсетіп, жақын аймақтағы полицейлерге де бағытнама берді. Жас жігіттің достары мен баруы мүмкін жерлер тыңғылықты тексерілді.

Іздестіру нәтижесінде оның жүрген жері үш айдан кейін анықталып, жасөспірім Шымкент қаласында жұмыс істеп жүрген жерінен табылды. Осылайша 11 сынып оқушысы отбасына дін-аман қайтарылды.

Хабар 24 телеарнасы