424,53 504.60 5.76
+7 (7172) 757 485 24kz@khabar.kz
ҚАЗ

Қарыз төлемеу үшін Ресейде жасырынып жүрген қазақстандық ұсталды

  • 165
  • UPD: 12:08, 30.06.2021
Қарыз төлемеу үшін Ресейде жасырынып жүрген қазақстандық ұсталды

Борышкер қарызды төлемеу үшін Ресей Федерациясында жасырынып жүрген, – деп хабарлайды Polisia.kz.

Көші-қон қызметі жұмысының бағыттарының бірі атқарушылық іс жүргізу бойынша борышкерлерді іздестіру болып табылады. Жыл басынан бері көші-қон қызметінің қызметкерлері қарызды төлемегені үшін сот орындаушыларынан жасырынып, қарыздарын төлемеген 100-ден астам адамды анықтады. Борышкерлер төлем жасамау үшін тек біздің елде ғана емес, сонымен қатар оның аумағынан тыс жерлерде де жасырынып жүреді. – Мәселен, 2021 жылғы 18 маусымда Ресей Федерациясында Қазақстан Республикасының 45 жастағы азаматы анықталды.

Ол қарызды уақтылы төлемеу үшін көрші мемлекеттің аумағында екі жылдан астам уақыт бойы тұрған, – деді ШҚО ПД Көші-қон қызметі басқармасының бастығы Ербол Бекпаев. Сот орындаушысынан атқарушылық іс жүргізу келіп түскеннен кейін көші-қон қызметінің қызметкерлері іздестіру іс-шаралары барысында борышкерді анықтап, қарызды өндіріп алу үшін сот орындаушысына ақпаратты жолдады.

ШҚО ПД көші-қон қызметі борышкер қарызды төлеуден қасақана жалтарған жағдайд ҚР ӘҚБтК 669-бабы бойынша әкімшілік жауапкершілікке тартылатынын ескертеді. Алимент төлеуші төлем жасаудан жалтарған жағдайда оған ҚР ҚК 139-бабы бойынша қылмыстық жауапкершілік жүктеледі.

Хабар 24 телеарнасы