424,44 504.55 5.80
+7 (7172) 757 485 24kz@khabar.kz
ҚАЗ

Қазақстан Жасыл болашақ индексі рейтингінде 33-орынға көтерілді

  • 179
  • UPD: 10:15, 01.07.2021
Қазақстан Жасыл болашақ индексі рейтингінде 33-орынға көтерілді

Қазақстан әлемдік The Green Future Index рейтингінде 76 елдің ішінде 33-орынға шықты.

Зерттеу нәтижесі Массачусетс технологиялық институтының климаттың өзгеруі проблемаларына бағытталған MIT Technology Review порталында жарияланды.

Аталған рейтингте жетекші елдердің төменкөміртекті келешекті қалыптастырудағы прогресі, экономиканың – энергетика, ауыл шаруашылығы, индустрия, әлеуметтік салаларының жасыл технологияға көшуі есепке алынады. Яғни қайта өңделетін энергия, инновация мен жасыл қаржыландыруға инвестиция салуы басты назарда.

Көрсетілген кестеде зерттелген экономика салаларының бір-біріне қатынасы көрсетіліп, көміртек  шығарындылары, Жасыл қоғам, энергетикалық ауысу, таза инновациялар және климат саласындағы саясат бағыттары бойынша ортақ баға шығарылған.

Қазақстан 4,9 балл алып, 2030 жылға қарай жаңартылатын энергия көздерінен электр қуатын өндіру үлесін 30%-ке жеткізу көзделіп отырғаны атап өтілген.

Алғашқы бестікке Исландия, Дания, Норвегия, Франция мемлекеттері жайғасса, соңғы орында Алжир, Ресей, Иран, Парагвай, Катар мемлекеттері тұр.

Ақпарат көзі: ЭГТРМ баспасөз қызметі

Хабар 24 телеарнасы