424,94 504.55 5.82
+7 (7172) 757 485 24kz@khabar.kz
ҚАЗ

Тәжікстан Президенті Эмомали Рахмон Нұрсұлтан Назарбаевты туған күнімен құттықтады

  • 129
  • UPD: 15:21, 06.07.2021
Тәжікстан Президенті Эмомали Рахмон Нұрсұлтан Назарбаевты туған күнімен құттықтады inform.kz

Елбасы Тәжікстан Республикасының Президенті Эмомали Рахмонмен телефон арқылы сөйлесті, деп хабарлайды «Хабар 24» Елбасының ресми сайтына сілтеме жасап.

Тәжікстан Президенті Нұрсұлтан Назарбаевты шын жүректен туған күнімен құттықтап, мықты денсаулық, бауырлас Қазақстан халқының игілігі жолындағы мемлекеттік қызметіне жаңа табыстар тіледі.

Тәжікстан басшысы Нұрсұлтан Назарбаевтың Қазақстан Республикасының Тұңғыш Президенті ретінде әлемде зор абыройға және баршаның құрметіне ие болғанын атап өтті. Сондай-ақ Эмомали Рахмон Елбасының Қазақстан мен Тәжікстан арасында достық қатынастар мен тығыз ықпалдастық орнауына және дамуына зор үлес қосқанын айтты.

Нұрсұлтан Назарбаев Тәжікстан басшысына ізгі тілектері үшін ризашылығын білдіріп, Қазақстан мен Тәжікстанның түрлі саладағы ынтымақтастығын одан әрі нығайта түсу маңызды екенін жеткізді.

Хабар 24 телеарнасы