424,44 504.55 5.80
+7 (7172) 757 485 24kz@khabar.kz
ҚАЗ

Курортты аймақтарға санитарлық бекеттер қойылады

  • 417
  • UPD: 20:08, 07.07.2021
Курортты аймақтарға санитарлық бекеттер қойылады

Ақмола облысының курортты аймақтарына санитарлық бекеттер қойылады.

Бұл туралы өңірдің Бас санитар дәрігері хабарлады. Алдағы демалыс күндері Бурабай мен Зерендіде тексеру-өткізу бекеттері пайда болады. Олардың қанша уақыт жұмыс істейтіні әлі белгісіз. Қазір тиісті құжат әзірленіп жатыр. Бекеттерден «Ашық» қосымшасында «жасыл» және «көк» мәртебесі бар адамдар ғана өте алады. Мұндай шараны мамандар инфекция өршіп бара жатқан соң қолға алған. Себебі соңғы аптада қауіпті індет 2 жарым есеге көбейіпті. Оның үстіне демалыс күндері курортты аймақтарда ине шаншар жер болмады. Міне, осының бәрі карантинді күшейтуге себеп болып отыр, – дейді дәрігерлер.

 Айнагүл Мусина, облыстың Бас санитар дәрігері:

– Өсімнің ең жоғары деңгейі Көкшетау қаласы мен Бурабай ауданында байқалды. Ал өткен тәулікте 126 жағдай тіркелсе, олардың 100-ден астамы симптомды. Ауруханаға жату көрсеткіші де 35-тен 50 процентке көбейді. Қазір емдеу мекемелерінде 700-ден аса пациент жатыр.

Хабар 24 телеарнасы