Елімізде «Спутник V» вакцинасын салдырғандар жарты жылдан кейін екпені қайта қабылдауы мүмкін

Елімізде ресейлік «Спутник V» вакцинасын салдырғандар жарты жылдан кейін екпені қайта қабылдауы мүмкін.

Денсаулық сақтау министрлігінің өкілдері мұны жоққа шығармады. Өйткені көрші Ресей елінде осы әдісті біртіндеп қолданып жатыр. Ал бізде әзірге нақты шешім қабылданбаған. «Спутник V» вакцинасын шығарғандардан әлі ұсыныс түспепті. Егер екпені екі қайтара салу керек деген кеңес айтылса, онда елімізде көктемде вакцина салдырғандар күзде тағы егіледі.