424,94 504.55 5.82
+7 (7172) 757 485 24kz@khabar.kz
ҚАЗ

Мәжіліс депутаттары аймақтарда азаматтарды жеке мәселелері бойынша қабылдауда

  • 88
  • UPD: 14:35, 14.07.2021
Мәжіліс депутаттары аймақтарда азаматтарды жеке мәселелері бойынша қабылдауда

Мәжіліс депутаттары өңірлерге сапар барысында тұрғындармен кездесіп, қабылдау өткізіп, қосымша пысықтауды талап ететін мәселелерді бақылауға алуда.

Мәжіліс депутаты Гүлдар Нұрымова Жамбыл облысының Байзақ ауданының тұрғындарымен қабылдау өткізді. Кездесу барысында ауыл тұрғындары жайылымдық жерлердің жоқтығына, бала күтімі бойынша жәрдемақыны есептеуге, жеке тұрғын үй массивтеріне жер учаскесін алуға, мемлекеттік несиелендіру бағдарламаларына қатысты бірқатар мәселе көтерді.

Ал Павлодар облысында депутаттар Айгүл Нұркина, Вера Ким және Анатолий Бойчин жергілікті тұрғындарды қабылдауда павлодарлықтар зиянды еңбек жағдайлары бар өндірісте жұмыс істеген зейнеткерлер бойынша нормативтік-құқықтық актілерге өзгерістер енгізу туралы мәселелерді көтерді.

Тереңкөл ауданында Ивановка және Песчаное ауылдарындағы су тазарту құрылыстары мен су құбыры желілерін жаңғырту және қайта жаңарту басты мәселелердің қатарында болып отыр. Ивановка ауылындағы су құбыры желілерін қайта құру мәселесін ауыл тұрғындары бұрын да көтерілген болатын. Тұрғындардың үндеуі зерделеніп, Nur Otan партиясының сайлауалды бағдарламасына енгізілді. Бүгінгі күні жобалық-сметалық құжаттама әзірленіп, сараптама жүргізілуде. Оның аяқталу мерзімі – 2021 жылғы 30 шілде. Құрылысты ұйымдастыру, сметалық құжаттама, әлсіз тоқты желілер, автоматтандыру, сыртқы желілер және электрмен жабдықтау бойынша алынған ескертулер пысықталмақ. Жобаны іске асыру мерзімі 2022 жылға белгіленген.

Атырау облысында Мәжіліс депутаты Дүйсенбай Тұрғановтың қабылдауында тұрғындар ең алдымен жағымсыз иіс көзі болып табылатын булану алқаптарына қатысты мәселелерді көтерді. Депутат Атырау мұнай өңдеу зауытында болып, онда булану алқаптарын қалпына келтіру кіретін TAZALYQ жобасының іске асырылу барысымен танысты. Зауыт басшылығы мәселені жоспарланған мерзімде шешуге уәде береді. Сонымен қатар атыраулықтар азық-түлік бағасын көтеру, әлеуметтік көмек көрсету, зейнетақы мөлшерін арттыру мәселелерін көтерді.

Алматы қаласында Мәжіліс депутаты Қанат Нұров қаланың бірнеше ауданында азаматтарды қабылдады. Қабылау барысында әлеуметтік тұрғын үйді жекешелендіру, теміржол жолаушылар билеттерін алып-сатарлар мәселесі, мүмкіндігі шектеулі адамдарды әлеуметтік қамтамасыз ету, оңалту орталықтарын салу және тағы басқа да бірқатар өзекті проблема қамтылды.

Ақпарат көзі: Мәжілістің баспасөз қызметі

Хабар 24 телеарнасы