424,53 504.60 5.76
+7 (7172) 757 485 24kz@khabar.kz
ҚАЗ

Сенаторлар Солтүстік Қазақстан облысының тұрғындарымен кездесті

  • 65
  • UPD: 11:21, 15.07.2021
Сенаторлар Солтүстік Қазақстан облысының тұрғындарымен кездесті

Сенат депутаттары Ольга Перепечина мен Ерік Сұлтанов Солтүстік Қазақстан облысына сапары барысында облыстық және қалалық мәслихат депутаттарымен кездесті.

Ерік Сұлтанов әріптестерін Палатаның сессия барысында атқарған жұмыстары туралы хабардар етті. Ол Сенатта Мемлекет басшысы белгілеген барлық негізгі бағыттар бойынша реформаларды іске асыруға бағытталған 63 заң қаралғанын және қабылдағанын хабарлады.

Сенатор Ольга Перепечина бюджет саясатының неғұрлым маңызды мәселелеріне және әлеуметтік саладағы жобаларды қаржыландыру ісіне тоқталды. Ол өңірлерге осындай сапарлар сенаторлар үшін халықпен кездесуге, заңнамалық өзгерістер туралы айтуға, сондай-ақ қазіргі проблемаларды жерлестермен талқылауға жақсы мүмкіндік екенін атап өтті.

«Қазір жұмысымыз өңірлерде жүріп жатыр. Біз азаматтармен кездесу өткізудеміз. Қайтып оралған соң сессия ашылғаннан кейін сіздер көтерген және қазіргі кезде еліміздің әрбір өңірінде кездесетін барлық мәселелер мен міндеттерді жүзеге асыру бойынша жұмыстар атқарылатын болады», - деп атап өтті сенатор.

Сенат депутаттары сондай-ақ фельдшерлік-акушерлік пунктке барып, Мағжан Жұмабаев атындағы ауданда сүт кешенінің салыну барысымен танысты.

Хабар 24 телеарнасы