Шығыс Қазақстан облысындағы Шемонаиха ауданы тұрғындарының 40 проценті толық вакциналаудан өтті.
Шалғай жатқан ауылдарда екпе науқаны қарқынды жүріп жатыр. Мысалы, Выдриха ауылында жергілікті меценаттар амбулаторияға дәрі-дәрмек сақтайтын тоңазытқыш сыйлаған. Енді ауыл тұрғындары алысқа бармай-ақ, тұрғылықты жерінен вакцина салдыра алады. Аудан бойынша екпе егуге арналған 11 кабинет пен 1 жылжымалы медицина кешені жұмыс істейді.
Александр Диль, Выдриха ауылының тұрғыны:
– Бір айдай ойландым. Ақырында вакцина салдыруды шешіп, бүгін, міне, егілдім. «Спутник В» вакцинасын салды. Теріс әсері жоқ. Өзімді жақсы сезініп тұрмын.
Екатерина Соловьёва, медбике:
– Тұрғындар хабарласып та сұрап жатыр. Алдын ала жазылып та қояды. Белсенділік артып келеді. Вакцина жетіп жатыр. Керек кезде 150 препаратқа тапсырыс бергенбіз, міне, келіп те үлгерді.