Telegram қолданатын 30 мыңға жуық отандасымыздың жеке мәліметтері желіге тарап кеткен, деп хабарлайды «Хабар 24».
Мұны мемлекеттік техникалық қызмет өкілдері мониторингтік тексеріс кезінде анықтаған. Олар қолданушылардың есім-сойы, телефон нөмірлері жазылған файлдарды тапқандарын айтады. Бұл – интернет алаяқтарға «олжа» болғалы тұр. Олар енді желіге тараған осы мәліметтерді пайдаланып, адамдардың куәлік нөмірі мен банк шоттарын алуға тырысады. Сондықтан мамандар сақ болуды ескертіп отыр.