424,44 504.55 5.80
+7 (7172) 757 485 24kz@khabar.kz
ҚАЗ

Qurban 2021: 32 896 отбасына ет жеткізілді 

  • 111
  • UPD: 15:02, 22.07.2021
Qurban 2021: 32 896 отбасына ет жеткізілді  Мuftyat.kz

Қасиетті Құрбан айттың екінші күнінде де еліміз бойынша құрбан шалу рәсіміне қатысты ұйымдастыру-үйлестіру жұмыстары жоғары деңгейде өтті, деп хабарлайды Мuftyat.kz.

Үйлестіру жұмыстарына бекітілген ҚМДБ қызметкерлері күшейтілген режимде жұмыс істеп, өз міндеттерін тиісті деңгейде орындады. Жұмыс барысында санитарлық талаптардың сақталуы қатаң қадағаланды.

Мұсылман қауымының ұлық мейрамында қайырымдылық шарасын жандандыра түсу мақсатында құрылған арнайы жұмыс тобы Құрбан айттың екінші күні республика бойынша 32 896 мұқтаж отбасына құрбандық етін жеткізді.

Еліміз бойынша www.qurban2021.kz сайтына қашықтан құрбан шалуға тапсырыс берген азаматтардың уәкілдік құрбандығы толығымен орындалды. Осы уәкілдік құрбандығының есебін қажет еткен жандарға атқарылған іс-шаралардың фото, видео мәліметі толық жіберілді.

Айттың екінші күні qurban2021.kz сайты арқылы құрбан шалу,а 2 724 тапсырыс келіп түссе, республика көлемінде 4246 қой, 219 ешкі, 523 сиыр және 6 түйе сойылыпты.

Еске салайық, айттың бірінші күні (20.07.2020) ҚМДБ-ның аймақтағы өкілдіктері көмекке зәру 40 156 отбасыға құрбандық етін жеткізіп, мерекелік қуанышқа бөлеген болатын. Жалпы алғанда, яғни, барлық облысты қамтығанда Құрбан айттың екі күнінде 73 052 жанұяға ет жеткізілді.

Осы орайда Қазақстан мұсылмандары діни басқармасының қайырымдылық шарасына белсенді түрде атсалысып, мұқтаждың мұңын бөлісіп, сауапқа үлес қосқан барша азаматтарға, сондай-ақ жекелеген кәсіпорындар мен ұйымдардың басшыларына айрықша алғыс айтамыз.

Хабар 24 телеарнасы