Елордаға жұмысқа кеткен: Ақмола полицейлері жоғалып кеткен жасөспірімді тапты

Ақмола полицейлері елордаға жұмысқа кетіп, жоғалып кеткен жасөспірімді тапты, деп хабарлады Polisia.kz.

24 шілдеде сағат 12:55-те Аршалы аудандық полиция бөлімінің кезекші бөліміне Целиноград ауданының 59 жастағы тұрғынынан арыз келіп түсті. Дабыл қаққан әйел өзінің 17 жастағы немересі 22 шілдеде таңғы сағат 07:00 Нұр-Сұлтан қаласына жұмысқа кеткенін және полицияға арыз берген сәтке дейін байланысқа шықпағанын хабарлады. Өтініш беруші немересін жалғыз өзі тәрбиелеп отырғанын, жоғалған жасөспірімнің анасы 2014 жылы қайтыс болғанын, ал баланың әкесі оның өміріне қатыспайтынын айтты.

Кәмелетке толмаған баланың тұрған жерін анықтау үшін Аршалы жедел уәкілдері дереу іздестіру шараларын ұйымдастырды. Жасөспірімге бағытталған бағдарлар бірыңғай орналасу жүйесіне тартылған полиция жасақтарына жіберілді. Жасөспірімнің ықтимал куәгерлері, таныстары мен достары сұралды.

Жедел-іздестіру шараларының нәтижесінде 24 шілде күні кешкі сағат 21:40-та өтініш берушінің немересі елордадан, оның танысы тұратын аулалардың бірінен табылды. Ол болмаған кезде жасөспірім базарлардың бірінде жүк тиеуші ретінде жұмыс істегені белгілі болды.

Жас жігіттің айтуынша, ұялы телефоны бұзылғандықтан, оның туыстарымен байланысуға мүмкіндігі болмаған. Қазіргі уақытта жасөспірім үйінде.