425,02 504.32 5.84
+7 (7172) 757 485 24kz@khabar.kz

Қарағандыда 13 тұрғынды алдап кеткен алаяқ ұсталды

  • 123
  • UPD: 12:41, 28.07.2021
Қарағандыда 13 тұрғынды алдап кеткен алаяқ ұсталды

Қарағандыда 13 тұрғынды алдап кеткен алаяқ қолға түсті, деп хабарлады Polisia.kz.

Өзін ІТ-технологиялар саласындағы маман ретінде таныстыра отырып, қаланың 13 тұрғынынан алдап ақша алған ер адам ұсталды.

29 маусымда Қарағанды қаласының ПБ Орталық полиция бөліміне 39 жастағы қала тұрғынынан арыз түсті. Жәбірленушінің айтуынша, бір ер адам алаяқтық жолмен 94 мың теңге ақшасын иемденіп алған. Әлеуметтік желідегі жарнамада өзін ІТ технологиялар саласының маманы, сондай-ақ бейне және аудио жабдықтарын сататын және жөндейтін компанияның маманы ретінде таныстырған азамат байланысқа шыққан. Жәбірленуші мультимедиялық жүйені сатып алып, орнатуды жоспарлаған. Алаяқ алдын ала 94 мың теңге төлеуді талап етіп, тапсырыс берушіден ақша алып алған. Ақшаны алғаннан кейін компания өкілі байланысын тоқтатып, хабарсыз кеткен.

Аталған факті бойынша ҚР Қылмыстық кодексінің 190-бабы (Алаяқтық) бойынша қылмыстық іс қозғалды.

21 шілдеде жедел-іздестіру шаралары барысында криминалдық полиция қызметкерлері күдікті 30 жастағы ер адамды анықтап, ұстады. Ол кінәсін мойындап, сотқа дейінгі тергеу барысында криминалдық полиция күдіктінің тағы 12 ұқсас қылмысқа қатыстылығын анықтады. Әр тұтынушыға алаяқ принтерді, екіншісінде ноутбукті жөндеймін деп уәде берген. Жалпы шығынның сомасы 300 мың теңгені құрайды.

Айғақты заттар алынып, қазіргі уақытта тергеу амалдары жүргізіліп жатыр. Күдікті уақытша ұстау изоляторына қамалды.

Хабар 24 телеарнасы