425,73 504.32 5.82
+7 (7172) 757 485 24kz@khabar.kz

Шу қаласының тұрғынынан жеті млн доза есірткі тәркіленді

  • 163
  • UPD: 12:58, 29.07.2021
Шу қаласының тұрғынынан жеті млн доза есірткі тәркіленді фото: Polisia.kz

Полицейлер Шу қаласының тұрғынынан 7 млн доза есірткі тәркіледі.

Бұл туралы Ішкі істер министрлігі хабарлады. Жамбыл облыстық полиция департаментінің қызметкерлері 47 жастағы жергілікті тұрғынды есірткі дайындап жатқан жерінен ұстаған. Күдікті «Қарасора-2021» Республикалық жедел-іздестіру іс-шарасы барысында қолға түсті. Тінту кезінде одан 600 келі марихуана тәркіленді. Оның салмағы 7 миллион дозаны құрайды. Қара нарықта есірткінің мұндай мөлшері шамамен 60 миллион теңге тұрады. Аталған факті бойынша сотқа дейінгі тергеу басталды. Ұсталған азамат кінәсін мойындап, Шу ауданының уақытша ұстау изоляторына қамалды.

Хабар 24 телеарнасы