425,30 504.32 5.86
+7 (7172) 757 485 24kz@khabar.kz

Атыраулық медбикелер вакцина паспорты үшін 100 мың теңге алып отырған

  • 241
  • UPD: 16:48, 02.08.2021
Атыраулық медбикелер вакцина паспорты үшін 100 мың теңге алып отырған

Атыраулық медбикелер вакцина паспорты үшін 100 мың теңге алып отырған, деп хабарлады Polisia.kz.

Атырауда қаладағы емханалардың бірінде медбике болып қызмет ететін 32 және 28 жастағы азаматшалар адамдардың вакцина алғаны туралы жалған ақпаратты енгізіп келген. Олар вакцинаның әр кезеңі үшін 50 мың теңгені, яғни екі кезеңі үшін 100 мың теңгені банктік есепшотына аударып алып отырған. Ақшасын аударған тұрғындар емханаға еркін келіп, вакцина алмай-ақ вакцина паспортын алып жүрген.

Атырау облысы Полиция департаменті мен облыстық прокуратура бірлесіп жедел шара жүргізу барысында медбикелердің бірі жалған ақпаратты жүйеге енгізгенін, екінші медбике құйтырқы әрекетке барып, вакцина сұйықтығын адам денесіне салмағанын анықтады. Қазіргі таңда аталған екі күдіктіге қатысты ҚР Қылмыстық кодекстің 206-бабы 1-бөлігі бойынша сотқа дейінгі тергеу амалдары басталды. Сондай-ақ медбикелердің нақты қанша тұрғынға жалған вакцина паспортын жасағандығы анықталуда.


Айта кетейік, 31 шілде күні атыраулық полицейлер жалған вакцина паспортын дайындағаны үшін тұрғындардан 10 мың теңге ақша алып келген 40 жастағы медициналық қызметкерді ұстаған болатын.

Хабар 24 телеарнасы