«Шетелден көлік алып келемін»: шымкенттік тұрғын алаяққа алданып қалды

Шымкенттік тұрғын шетелден көлік әкелмек болған алаяққа алданып қалды, деп хабарлады Polisia.kz.

2021 жылдың 3 тамызында Әл-Фараби АПБ-ның 102 нөміріне Шымкент қаласының тұрғыны арызданды. Ол өз арызында танысы Оңтүстік Корея мемлекетінен автокөлік алып келемін деп 400 мың теңге ақшасын алып, қайтармай жүргендігін көрсеткен.

Әл-Фараби АПБ Криминалдық полиция қызметкерлерінің жедел-іздестіру шараларының нәтижесінде жергілікті жердің тұрғыны анықталып, ұсталды. Ұсталған ер адамның басқа да қылмыстарға қатыстылығы анықталуда. Тексеру жұмыстары жүргізілуде.