Қостанай облысындағы 14 елді мекенде малдан бруцеллез анықталған. Бұл туралы облыстық ветеринария қызметінің мамандары хабарлады.
Төрт түліктен 225 мың қан сынамасы алынған. Сараптама нәтижесінде 750-ден астам ірі қарадан бруцеллез шықты. Олардың барлығы союға жіберілді. Жұқпалы дерт анықталған ауылдарда республикалық эпизоотикалық отряд сауықтыру шараларын жүргізді. Осындай іс-әрекеттердің арқасында облыста бруцеллез таралымы біршама бәсеңдеді, – дейді мамандар.
Ахат Шектібаев облыстық ветеринария басқармасының басшысы:
– Жаппай дезифекциялау, малдың барлығын диагностикалық зерттеумен қамту, ауруларын дер кезінде оқшауландыру жұмыстары өз нәтижесін берді. Бруцеллездің төмендей бастағандығы сол сөзіміздіңғ дәлелі. 2019-2020 жылдардың қорытындысы бойынша, бруцеллезбен ауыратын малдың саны 0,39 процентті құрады, ал 2021 жылдың 10 тамызына дейінгі дерекке қарасақ, ол 0.31 процентке түскенін байқаймыз.