423,91 504.32 5.82
+7 (7172) 757 485 24kz@khabar.kz

Өсімдік шаруашылығы өнімдері жаңа тәртіппен субсидияланады

  • 113
  • UPD: 10:14, 19.08.2021
Өсімдік шаруашылығы өнімдері жаңа тәртіппен субсидияланады agrovesti.net

Өсімдік шаруашылығы өнімдерінің өнімділігі мен сапасын арттыруды субсидиялау қағидаларына өзгерістер енгізілді.

«Қарақұмық және майлы дақылдар өсірумен айналысатын ауыл шаруашылығы тауарын өндірушілерді мемлекеттік қолдау және осы дақылдарды қайта өңдеумен айналысатын кәсіпорындардың жүктемесін ұлғайту үшін және ішкі нарықтағы бағаны тұрақтандыру мақсатында Қазақстан Республикасының Ауыл шаруашылығы министрлігі «Өсімдік шаруашылығы өнімінің өнімділігі мен сапасын арттыруды субсидиялау қағидаларын бекіту туралы» Қазақстан Республикасы Ауыл шаруашылығы министрінің 2020 жылғы 30 наурыздағы №107 бұйрығына өзгерістер мен толықтырулар енгізу туралы» 2021 жылдың 10 тамызындағы №236 бұйрығын қабылдады», - делінген ҚР АШМ таратқан мәліметте.

Бұйрық биылғы және өткен жылдың төртінші тоқсанында қайта өңдеу кәсіпорнына немесе өңдеу құрылымдарына қайта өңдеуге берілген өнім шығындарын ішінара өтеу үшін қарақұмық пен майлы дақылдар өсірген фермерлерге немесе ауыл шаруашылығы кооперативтеріне субсидия төлеуді көздейді.

Сонымен қатар бұйрықта қорғалған топырақта өсірілетін қызанақ пен қияр дақылдарының тұқымына, тыңайтқышқа және пестицидтерге (биоагенттерге) жұмсалған шығындарын ішінара өтеу шаралары қарастырылған. Бұл ретте қызанақ пен қиярдың элиталық тұқымдары және бірінші ұрпақ будандарының тұқымдары бойынша субсидиялар қызанақ пен қиярды өнеркәсіптік жылыжай кешендерінде қорғалған топырақ жағдайында өсіретін фермерлерге (ауыл шаруашылығы кооперативтеріне) арналады.

Сонымен қатар, бұйрықта жеке меншігінде немесе жер пайдалану құқығында өзге санаттағы (ауыл шаруашылығына арналмаған) жері бар фермер (ауыл шаруашылығы кооперативі) ауыл шаруашылығы дақылдарын өнеркәсіптік жылыжай кешенінде өсірген кезде тұқымға, тыңайтқышқа, пестицидтке (биоагенттерге) субсидия төлеу нормасы бар.

Хабар 24 телеарнасы