Орал қаласының дәл іргесінде тұтанған алапат өрт толық сөндірілді, деп хабарлайды «Хабар 24».
Айта кетейік, түнде даладағы құрғақ шөп лезде жанып, қызыл жалын Сарытау шағын ауданына жетіп қалған еді. Шамамен 8 гектар аумақ жанып кеткен. Аймақта жаз мезгілінде орман өрті жиілеп кетті. Әсіресе тамыз айы басталғалы тілсіз жаудың екпіні күшейе түсті.
Мереке Жұмағалиев, Батыс Қазақстан облысы ТЖД басқарма басшысы:
– Тамыз айының өзінде ғана 12 орман өрті мен 7 дала өрті тіркелді. Сонымен қатар өткен тәуліктің өзінде «101» пультіне 18 хабарлама түсті. Оның 13-і – құрғақ шөптің жану фактісі және 5 факті өрттер оқиғасы. Сарытаудағы өрт оқиғасы хабар бізге 21:53-те келіп түсті. Жануды жоюға департаменттің 4 техникасы мен 26 жеке құрамы қатысты.