Нұр-Сұлтанда жалған вакцинация паспортын жасады деген күдікті ұсталды

Нұр-Сұлтанда вакцинация паспортын қолдан жасаған күдікті ұсталды, деп хабарлайды Елорда Инфо.

Тәртіп сақшыларының айтуынша, ер адам кез келген құжатты дайындай алатынын айтқан.

«Ол елорда тұрғындарына 20 күн ішінде вакцинация паспортын жасап беруді ұсынған. Бұл жағдайда клиенттер алдын ала ақша төлеуі керек болған. Ол мерзіммен ешқандай қиындық болмайтынын айтып уәде берген. Ер адам жұмыс орнының жанында 50 мың теңге көлемінде ақша алып тұрған жерінен ұсталды. 28 жастағы күдіктінің айтуынша, вакцинация паспорттарының өзектілігін ескере отырып, қосымша ақша табуды ұйғарған», - делінген хабарламада.

Полиция қылмыстық іс қозғап, жалған вакцинация паспорттарын аламыз деп алданған және оған жүгінген адамдар санын анықтап жатыр.