425,73 504.32 5.81
+7 (7172) 757 485 24kz@khabar.kz

Маңғыстау облысына гуманитарлық көмек жөнелтілді

  • 156
  • UPD: 09:17, 21.08.2021
Маңғыстау облысына гуманитарлық көмек жөнелтілді

Мал азығы алдын ала дайындалған, деп хабарлайды «Хабар 24».

Павлодар облысының шаруалары қуаңшылықтан зардап шеккен өңірге көмек көрсетуге бастаманы өздері көтеріп отыр. Олар шөпті жіберетін орынды анықтауды волонтёрлерге тапсырыпты. Ұйымдастырушылар жергілікті фермерлердің ұйымшылдығына тәнті болғандарын жасырмады. Қысқа мерзімде шабылған 250 тонна шөп жиналыпты. Гуманитарлық жүк ауа райының қолайсыздығынан зардап шеккен Маңғыстау облысына екі аптада жетуі тиіс.

Асылбек Туғанбай, ұйымдастырушы:

– Жан-жақтан азаматтар мына жерден шөпті жеткізуге, вагонға жүктеуге, сусын, тамағын әкелуге қолынан келгенше көмегін беріп жатыр. Көмегі тиген барлық адамға алғысымызды білдіреміз. Ұйымдасқан бір жақсы іс болды

Еркебұлан Күнтуған, волонтерлердің аймақтық фронт-кеңсесінің жетекшісі:

– Біздің еріктілер вагондарға тиеп жатқан болса Маңғыстау облысындағы дәл осындай қабылдап алатын, яғни бөлу және түсіру жұмыстарымен айналысатын еріктілермен тікелей хабардамыз. Ол кісілерге осындай шөп дайындап жатқанымызды айтқан болатынбыз. Ол жақта да күтіп отыр.

Хабар 24 телеарнасы