425,85 504.32 5.81
+7 (7172) 757 485 24kz@khabar.kz

Тараз тұрғыны үйінен музей ашты

  • 114
  • UPD: 23:35, 22.08.2021

Ол 5 мыңдай құнды жәдігерді отбасымен бірге жинаған, деп хабарлайды «Хабар 24».

Музейді аралап жүріп Кеңес кезеңіне саяхаттап, ата-әжелеріміздің тұрмыс тіршілігімен танысуға болады. Соғыс жылдарындағы экспонаттар да бар.

Музыкалық аспаптар, телефон, фотоаппарат, ыдыс, тіпті ойыншықтарға дейін бар. Михаила Платовтың үйіндегі мұражайдан кеңес кезеңіндегі адамдардың тұтынған барлық заттарын көруге болады. Тіпті сол жылдары сәнге айналған иіссуларға дейін сақталған.

Михаил Платов, қала тұрғыны:

– Көне заттарды сақтау арқылы біз өткен тарихқа бойлаймыз. Сол кезеңдердің құндылықтарын еске түсіреміз. Өткен мен бүгінді салыстыруға ықпал етеміз.

Мұражай иесі кейбір жәдігерлерді сатып алса, енді бірін қоқыстан тауып алған. Арасында сыйға алғандары да бар.

Светлана Платова, қала тұрғыны:

– Мұның барлығы кішкене ғана қасық пен шанышқыдан басталған. Содан түрлі көне заттарды қоқысқа тастамай, жинай бердік. Сосын туыстарымыз бен таныстарымыз көмектесе бастады.

Мұражайды аралау тегін. Әсіресе жұртшылық соғыс уақытында қолданылған заттарды ерекше қызығушылықпен таашалайды екен. Михаил үшін ең құндысы – мына солдаттың күнделігі. Бұл шағын бөлмеге сыйған құнды жәдігерлердің бір бөлігі ғана екен. Михаил алдағы уақытта мұражай аумағын кеңейтуды жоспарлап отыр.

Нұрлан Жақыпбеков, Анастасия Сулейманова, Тимур Сейилхан, Руслан Ахатилла

Хабар 24 телеарнасы