Алматыдағы мейрамхана мен дәмханалар карантин режимін бұзуды доғарар емес, деп хабарлайды «Хабар 24».
Өткен тәулікте мониторингтік топ әртүрлі шара өткізбек болған 20 ойын-сауық мекемесі мен мейрамхананың жұмысын тоқтатты. Алматыда патрульдік авто экипаждар ойын-сауық мекемелерінің жанында кезекшілік жасайды. Дегенмен мұндай шара 150-ге жуық нысанда жүзеге асырылады.
Жалпы, қаладағы мониторингтік топ биыл 20 наурыздан бері 2 мыңға жуық карантиндік талапты бұзу фактісін анықтаған. Ал эпидемиологтар коронавирусқа байланысты жағдай Алматыда әлі де күрделі екенін ескертеді.