425,75 504.32 5.84
+7 (7172) 757 485 24kz@khabar.kz

Елбасы академик Нәдір Нәдіровтің отбасы мен жақындарына көңіл айту жеделхатын жолдады

  • 148
  • UPD: 18:37, 24.08.2021
Елбасы академик Нәдір Нәдіровтің отбасы мен жақындарына көңіл айту жеделхатын жолдады

Елбасы көрнекті ғалым, Қазақстан Республикасы Ұлттық ғылым академиясының академигі Нәдір Кәрімұлы Нәдіровтің қайтыс болғаны туралы суыт хабарды күйзеліспен қабылдады, делінген Тұңғыш Президенттің сайтында.

«Нәдір Кәрімұлы саналы ғұмырын мұнай ғылымы мен инженерлік саланы дамытуға арнап, кәсіби биік белестерді бағындырды және ғылыми қоғамдастық тарапынан кеңінен мойындалды. Ол шебер ұйымдастырушы әрі беделді ұстаз ретінде ғалымдар мен педагог мамандардың тұтас буынын тәрбиеледі. «Барбанг» Қазақстан күрдтері қауымдастығының құрметті президенті кезінде еліміздегі қоғамдық келісім мен ұлтаралық татулықты нығайтуға зор үлес қосты», – делінген жеделхатта.

Хабар 24 телеарнасы