425,79 504.32 5.82
+7 (7172) 757 485 24kz@khabar.kz

БҚО-дағы өртті сөндіруге ТЖМ тікұшағы жұмылдырылды

  • 149
  • UPD: 12:53, 26.08.2021
БҚО-дағы өртті сөндіруге ТЖМ тікұшағы жұмылдырылды Мой город

Тамыз айының басынан бастап Батыс Қазақстан облысының аумағында ауа температурасының +41°-қа дейін жоғарылауы байқалады. Кей жерлерде төтенше өрт қаупі сақталады.

ҚР ТЖМ баспасөз қызметінің мәліметінше, осыған байланысты облыс аумағында өрт оқиғалары жиілеп кетті. Өрт сөндірушілер Ақжайық, Бәйтерек және Теректі аудандарында тілсіз жаумен арпалысуда. Өрттің ауданы шамамен 480 га құрайды, оның 90 га орман алқабы болса, 390 га құрғақ шөп.

БҚО Төтенше жағдайлар департаментінде, сондай-ақ өрт ошақтарында жедел штаб құрылды.

«Өртті жоюға БҚО ТЖД бөлімшелерінің, «Өрт сөндіруші» АҚ, «Қазавиақұтқару» АҚ, кенттік округтер мен шаруа қожалықтарының ерікті өрт сөндіру құрылымдары және Ормандар мен жануарлар дүниесін қорғау жөніндегі инспекцияның күштері мен құралдары қатысты.

Өртті әуеден сөндіру үшін «Қазавиақұтқару» тікұшағы жұмылдырылды. Өрт ошақтарына 198 текше метр су құйылды», – делінген мәліметте.

Өрттерде қаза болғандар мен зардап шеккендер жоқ. Өрттің себептері, материалдық шығын анықталуда.

ТЖМ өрт қауіпсіздігі ережелерін сақтау қажеттілігін еске салады. Өрт шыққан жағдайда дереу құтқару қызметінің «101» немесе «112» телефондарына қоңырау шалыңыз.

Хабар 24 телеарнасы