Мадина, Жасмина және Даяна есімді қыздар нөмірі 80-мектеп оқушысы атанды, деп хабарлайды «Хабар 24».
Бұл жаңалыққа алғашқыда мектеп ұжымы, әсіресе, сынып жетекшісі аң-таң болды.
Айжан Бөрлібаева, қала тұрғыны:
– Қыздардың мінезі үш түрлі. Бірі жуас, бірі көңілді жүреді. Ең кішкентайы еркелеу.
Үшемді сырттай ажырату мүмкін емес. Барлығы бір-біріне қатты ұқсайды. Бүгін – олар үшін ерекше мереке. Білім күні. Кішкентай қыздар алғаш рет мектеп табалдырығын аттайды.
Бүгін оларға арнайы бейдж табысталды. Сәйкесінше, енді бір-бірінен оңай ажыратуға болады деген сөз.
Айғаным Асқаралықызы, сынып жетекшісі:
– 1 «З» сыныбының тізімін қарасам, үшем тұр. Өзіме қызық болды. Алдағы жұмыс барысында олардың мінезімен, қандай айырмашылық барын байқаймын. Үздік және сапалы білім алады деп ойлаймын.
Үшемнің отбасында бұдан бөлек, тағы 2 бала бар. Енді оларды мектепке әжесі апарып, әкеледі.
Аслан Қаженов