423,91 504.32 5.82
+7 (7172) 757 485 24kz@khabar.kz

Елорда әкімдігінде көмірдің орташа бағасы айтылды

  • 144
  • UPD: 14:16, 02.09.2021
Елорда әкімдігінде көмірдің орташа бағасы айтылды Azattyq Rýhy

Елорда әкімдігі көмір өнімдеріне бағаның өсуіне жол бермеу туралы меморандумдар жасасты.

Бүгінгі таңда қалада 10 жерде көмір сататын 7 негізгі компания бар.

Осы меморандумдарға сәйкес көмірдің орташа бағасы белгіленді:

Шұбаркөл - тоннасына 13 200 тг;
Қаражыра - тоннасына 13 500 тг;
Майкөбе - тоннасына 12 000 тг;
Богатырь көмірі - тоннасына 9 500 тг.

Көмірді мынадай мекенжайлар бойынша сатып алуға болады:

- Герцен көшесі, 4/1 – қаражыра сорты, қаражыра тұтынушысы;
- Сороковая станция – қаражыра сорты, қаражыра тұтынушысы;
- Герцен көшесі, 6/2 – ұсақ богатырь, майкөбе, қарағандылық жалын, қаражыра, шұбаркөл сорты;
- Көктал, 28/1 – майкөбе;
– Жұбанов к-сі, 35 – шұбаркөл;
- Көктал, 28/2 – шұбаркөл;
- Ж. Жабаев көшесі, 68 – қаражыра сорты;
– Мақат к-сі, 40 – қаражыра сорты, қаражыра;
- Герцен көшесі, 6Б – богатырский, қаражыра, жалын, майкөбе;
- Сороковая станция – шұбаркөл.

Сондай-ақ, 109 нөмірі бойынша жедел желі құрылды, ол арқылы қала тұрғындары көмірдің құны мен қорлары туралы біле алады. Бұл ақпарат күн сайын жаңартылып отырады. Әкімдік күн суығанда қарбалас болмас үшін қала тұрғындарын отынды алдын ала сатып алуға шақырады.

Сондай-ақ, бүгінгі күні қалада газдандыру бойынша жұмыстар белсенді жүргізіліп жатқанын хабарлаймыз. «Көктал-1», «Көктал-2», «Железнодорожный» т / а, «Агроқалашық» бөлігіне газ беру толық қамтамасыз етілді. Ішкі желілерді жүргізген тұрғындар үйлерін газға қосу үшін «ҚазТрансГаз Аймақ» АҚ-ға өтінім беруі қажет.

Осы жылдың қараша айына дейін «Юго-Восток», «Промышленный», «Агроқалашық» ТМ-де (2020 жылы газға қосылмаған бөлік) газ беруді қамтамасыз ету жоспарлануда. «ҚазТрансГаз Аймақ» АҚ ақпараты бойынша биыл «Күйгенжар», «Мичурино», «Интернациональный» ТМ-де газды іске қосуды қамтамасыз ету жоспарланып отыр.

Хабар 24 телеарнасы