425,30 504.32 5.86
+7 (7172) 757 485 24kz@khabar.kz

Жұрт медициналық сақтандырудан неге қашады?

  • 76
  • UPD: 08:05, 03.09.2021
Жұрт медициналық сақтандырудан неге қашады?

Солтүстік Қазақстанның әр төртінші тұрғыны сақтандырылмаған, деп хабарлайды «Хабар 24».

Жергілікті әлеуметтік медициналық сақтандыру қоры қызметкерлерінің есебі бойынша мұндай адамдардың саны – 129 мың. Яғни олар міндетті жарнаны төлемейді.

Петропавлдық Денис Антонеев – қарапайым жүк тиеуші. Қолма-қол ақша алады. Былайша айтқанда, келісімшартсыз жұмыс істейді. Сондықтан әлеуметтік төлемдері түспейді. Оның ішінде медициналық сақтандыру жарнасы да бар.

Денис Антонеев, қала тұрғыны:

– Бір жыл бұрын саусағымды жарақаттап, ауруханаға түстім. Ешкім ештеңе сұраған жоқ. Дәрігерлер медициналық сақтандырусыз-ақ көмек көрсетті. Одан көзімді зақымдап алдым. Онда да солай қаралдым. Бұл жүйе туралы көп білме бермеймін.

Денис дәрігерлерге сирек қараламын дейді. Ол секілді адамдар аз емес. Мысалы, әрбір төртінші солтүстікқазақстандық сақтандырылмаған. Себебі сан түрлі: бірі білмейді, енді бірі мән бермейді, ал енді бірінің төлегісі жоқ.

Қарлығаш Ілиясова, «Әлеуметтік медициналық сақтандыру қоры» КЕАҚ СҚОФ бөлімінің басшысы:

– Қазіргі таңда 16 тамызға 129 мың 395 адам сақтандырылмаған. Бұл қала емханалары мен аудандық ауруханаларға бекітілген адамдардың 22,3 пайызын құрайды. Осынлайша сақтандырылмаған адамдар мінедтті медсақтандыру жүйесінде медкөмектің белгілі бір түрлерін ала алмайтын болады.

Кейбір адамдардардың мәртебесі анықталмаған. Мамандардың айтуынша, олар үшін жұмыс берушілер жарна төлемей отыр. Бүгінгі таңда кәсіпкерлердің қарызы – 70 млн теңгеден асып жығылады.

Айдарбек Айтмұхамбетұлы, Төлеген Иманов

Хабар 24 телеарнасы