423,95 504.32 5.84
+7 (7172) 757 485 24kz@khabar.kz

Меншік иелері бірлестігін құру ісі ақсап қалды

  • 92
  • UPD: 14:54, 08.09.2021
Меншік иелері бірлестігін құру ісі ақсап қалды

Елімізде меншік иелері бірлестіктерін құру ісі баяу жүріп келеді. Осыдан 2 жыл бұрын басталған шаруа аяқсыз қалатын түрі бар. Бұл мәселені бүгін Мәжіліс депутаттары көтерді.

Айтуынша, ел бойынша көп қабатты 54 мыңнан астам үй бар. Соның тек 2 мыңға жуығында бірлестіктер құрылған. Көпшілік тұрғынжайды басқарудың жаңаша әдісіне көшуге дайын емес.

Меншік иелері бірлестігі жұмысының ерекшелігі – көп мәселе жиын арқылы шешіледі. Бірақ қазір қалыптасқан жағдайға байланысты жұрт болып жиылуға тыйым салынған. Одан бөлек бұл салада тұрғындарға беймәлім тұстар да жетерлік. Сондықтан үкімет тұрғын үй-коммуналдық шаруашылығы секторына арналған «Е-шаңырақ» цифрлық платформасын әзірлейтінін айтқан. Әзірге бастаманың нәтижесі көрінер емес. Депутаттардың айтуынша, жергілікті әкімдіктер де жаңашылдықты жылдам енгізуге құлық танытпай отыр.

Хабар 24 телеарнасы