424,92 504.32 5.86
+7 (7172) 757 485 24kz@khabar.kz

Биыл су көлігіндегі апат пен өлім-жітім 55%-ке төмендеген

  • 62
  • UPD: 10:30, 13.09.2021
Биыл су көлігіндегі апат пен өлім-жітім 55%-ке төмендеген Depositphotos

Биыл су көлігіндегі заң бұзу оқиғалары айтарлықтай азайды.

ҚР ИИДМ мәліметінше, «Скутер» акциясы аясында жүргізілген тексерулер барысында ең көп құқық бұзу оқиғалары Шығыс Қазақстан, Алматы және Түркістан облыстарында анықталды.

«Барлығы 2 мыңнан астам шағын көлемді кеме (гидроциклдер, катерлер, моторлы қайықтар және т.б.) тексеріліп, 624 әкімшілік құқық бұзу жағдайы анықталды.

Олардың негізгі түрлері: құтқару құралдарынсыз кемелерді пайдалану (құтқару кеудешелері, белдіктер, кеудешелер) – 326 жағдай; кеме құжаттарынсыз пайдалану – 104 жағдай; құқығы жоқ адамның шағын көлемді кемені басқару – 83 жағдай», – делінген мәліметте.

Бұдан басқа, тексеру барысында белгіленген тәртіпке сай тіркелмеген немесе техникалық байқаудан (куәландырудан) өтпеген кемелерді пайдалану, шағын көлемді кемелер мен өзге де жүзу құралы жүргізушілерінің белгіленген жылдамдықты асыруы, навигациялық белгілер талаптарының сақталмауы, тыйым салынған орындарда кемені әдейі тоқтату немесе тоқтап тұру, маневр жасау қағидаларының бұзылуы, кеме бортынан қоқыс пен өзге де заттарды лақтыру, шағын көлемді кемелер жүргізушілерінің көлікті пайдаланудың өзге де ережелерін бұзуы сияқты жағдайлар анықталды.

Дегенмен биыл су көлігінде тіркелген көлік оқиғалары мен өлім-жітім саны өткен кезеңмен салыстырғанда 55%-ке төмендеген.

«Биыл 3 көлік оқиғасы болып, нәтижесінде 3 адам қаза тауып, 1 бала зардап шекті. Ақаулары бар кемемен жүзу, сондай-ақ кеме жүргізушілерінің белгіленген жылдамдықты асыруы осындай оқиғалардың негізгі себептері болып отыр», – делінген ҚР ИИДМ таратқан мәліметте.

Хабар 24 телеарнасы