Алматы облысында 244 сынып карантинге жабылды

Алматы облысында 244 сынып карантинге жабылды. 3 мыңға жуық оқушы екі аптаға оқшауланды. Бұл туралы Алматы облысы әкімінің орынбасары Батыржан Байжұманов мәлімдеді.

Айтуынша, Жетісу жерінде 422 оқушы короновирус жұқтырған. Сонымен қатар облыста осы уақытқа дейін 40 мыңға жуық мұғалім екпе алған. Бұдан бөлек, балаларға вацина салу мәселесі әлі шешімін таппағанын айтты.

Батыржан Байжұманов Алматы облысы әкімінің орынбасары:

– Балаларға вакцина салу мәселесі әлі шешілген жоқ. Біз ата-аналардан ешқандай дерек жинап жатқан жоқпыз. Қызылорда облысында балалардың  жеке мәліметін жинап жатқаны туралы ақпарат тарады. Бұл жалған ақпар деп ойлаймын. Қалай болғанда да, бұл мәлімет расталған жоқ. Егер ондай жұмыс жүргізілген болса, барлық аймақта солай болар еді ғой. Бүгін балаларды вакциналау мәселесі туындап тұрған жоқ.