425,79 504.32 5.82
+7 (7172) 757 485 24kz@khabar.kz

Ақмола облысында жаппай төбелеске қатысқандар ұсталды

  • 78
  • UPD: 14:43, 13.09.2021
Ақмола облысында жаппай төбелеске қатысқандар ұсталды polisia.kz

Ақмола полицейлері жаппай төбелеске қатысушыларды оқиға орнында ұстады, деп хабарлайды Polisia.kz.

Бұзақылық фактісі 8 қыркүйекте сағат 02:51 шамасында «102» пультіне облыс орталығының ойын-сауық мекемелерінің бірінің жанында төбелес болып жатқандығы туралы телефон хабарламасы келіп түсті. Оқиға орнына патрульдік полиция экипаждары мен жедел-тергеу тобы дереу жіберілді.

Полицейлер анықтағандай, оқиғаға қатысушылар 19-23 жас аралығындағы жастар ойын-сауық мекемесінде болған. Мас күйінде қаскүнемдердің бірі басқа жастардың компаниясына жақындап, жанжал туғызды. Полиция қызметкерлерінің жедел әрекеттерінің арқасында жанжалға қатысушылар оқиға орнында ұсталды. Бұзақылық іс-әрекетке күдік бойынша полицияға барлығы төрт адам жеткізілді, оның ішінде бұрын бұзақылық үшін қылмыстық жауапкершілікке тартылған бас күдікті – 20 жастағы облыс орталығының тұрғыны.

Қазіргі уақытта аталған факті бойынша ҚР ҚК 293-бабы 3-бөлігі 2-тармағы (Бұзақылық) бойынша сотқа дейінгі тергеу амалдары жүргізілуде.

Хабар 24 телеарнасы