Бұрын қағаз толтырып, анықтама жинап уақыт жоғалтатын жастар енді арнайы мобильдік қосымша арқылы өтініш бере алады, деп хабарлайды «Хабар 24».
Осы әдіспен 800 студент баспана мәселесін шешіп алған. Әлі 300-ден астам орын бар. Ол үшін осы университеттің түлегі ойлап шығарған қосымшаны ұялы телефонға жүктеп алу керек. Карантиндік шектеулерге байланысты жатақханадағы сақтық шаралары да күшейтілген. Бүгінде жоғары оқу орнында 4 мыңнан астам студент дәстүрлі сабақ жүйесіне көшіп, білім алып жатыр.
Айдос Төлеуханов, Жоғары оқу орнының жастар саясаты бөлімінің басшысы:
- Алыс аймақтан, оңтүстіктен, батыстан келетін «Серпін» бағдарламасы арқылы келетін жастарымыз ол жақтардан ерте келмей-ақ, сабақ басталған кезде ғана келіп, осы қосымша арқылы тіркеліп, жатақханаға орналасып, солай бір жүйелі істі қалыптастырып жатырмыз. Болып жатқан іс-шараларымыздың барлығын онлайн түрде жеткізіп отырамыз. Яғни іс-шараға қатыса алмаған студент болсын, не болмаса оқытушы болсын осы қосымшаға кіріп, мобильдік қосымша арқылы болып жатқан іс-шараның барлығын сайт сияқты бақылай алады.